‘E DDUJE CUMPARIELLE
Nicola e Giuannielle erano cumparielle 
A diece anne già ‘o primme cantiere
e ‘n ccoppe ‘e spalle a cardarelle.
Ddoje criature crisciute troppe ampressa
e accussì a sidisce anni Nicola,
e cocche mese aroppe Giuannielle,
se n’ fujettene ch’ ’e ddoje nammuratelle.
A vint’anne Giuannielle teneve tre figlie
e Nicola invece quatte.
Brutte tiempe tanno,
’a povera ggente nunn s’ faceve maje chiatte:
s’ faticava assaie e s’ magnave poch’ ’ e niente.
Se ne jette a truvà fatica fore allora Giuvannielle,
a fa o fravecatore, n’terra a Milane,
e cape ‘a na semmane se chiammaje pure a Nicola.
‘ A jurnate era bona, doje vote chelle do’ paese.
Durmeveno rint ‘e barracche e spisse capitave
che pure ‘e dumenica faticavene.
Nunn spennevano na’ lira a fore mane,
sule ogni tante se ne jevano a puttane,
Pe sparagnà scenneveno co’ trene doje vote all’anne,
pè vedè e figlie che se faceveno gruosse e
‘ e mugliere che s’ facevano vecchie.
Nunn parlavano cu nniscuno,
e a chi ‘e ddiceva e faticà cchiu poche,
“che si doveva fare lo sciopero”,
rispunnevene dicenne,
“‘o sciopere è pe chille che sanne leggere,
nuje a firme ‘a stiente sapimme fa”
Faceve fridde chella jurnate,
pure ‘o core s’era gelate.
Nicola ‘ncoppe all’anneto sciuliaje
e pe non carè abbascie
alla tavula s’afferraje,
alluccanne assaje, assaje.
Currette o compariello, pe’ ll’aiutà,
pe’ nu’vracce lu pigliaje,
ma niente putette fa’
e appriesse a isse scapizzaje.
Puverielle, murettene tutte e duje, ‘e cumparielle
Chiagnettene ‘ e mugliere, ‘e figlie e pure lu paese
Erano brutte tiempe tanno,
quanta ggente che mureve faticanne,
quanta ggente che more ancora:
ncoppe’ a fatica pa’ sicurezza nunn è maje ora.
di Paolo Sabatino
